Skinkuhorn
Þessi uppskrift hefur fylgt mér síðan ég byrjaði að búa í Danmörku fyrir að verða 20 árum og ég hef bakað hana ótal sinnum. Þessi horn eru alltaf jafn ljúffeng og slá í gegn hvar sem þau eru borin fram. Það má leika sér með fyllinguna að vild, en þetta er sú útgáfa sem er allra vinsælust á mínu heimili.
Skinkuhorn
Uppskriftin gefur 40 horn og því tilvalið að setja strax í frystinn og eiga þar til að grípa í, hvort sem það er með kaffinu eða til að nesta börnin
Hráefni
Deig
- 900 g hveiti
- 60 g sykur
- 1/2 tsk salt
- 3 tsk þurrger
- 100 g smjör
- 1/2 ltr mjólk
Fylling
- 2 öskjur skinkumyrja
- 1 pakki skinka
- pepperóní, magn eftir smekk
- rifinn ostur, magn eftir smekk
Ofan á
- 1 egg
- örlítil mjólk
- rifinn ostur eða sesam fræ
Aðferð
Deigið
- Setjið smjörið út í mjólkina og hitið þar til mjólkin er 37°c heit
- Blandið þurrefnum saman
- Blandið mjólkinni og smjörinu út í þurrefnin og hnoðið þar til deigið er slétt og samfellt
- Látið deigið hefast á hlýjum stað undir rökum klút í 60 mín
- Skerið skinku og pepperóní smátt og blandið saman við skinkumyrjuna
- Þegar deigið hefur hefast er því skipt í 5 hluta, hver hluti er flattur út í hring og skorinn í 8 sneiðar eins og pizza
- Fylling sett á breiðari endann, rifinn ostur settur yfir og rúllað upp í horn
- Raðið hornunum á plötu og penslið með samanslegnu eggi og mjólk
- Setjið rifinn ost yfir eða fræ að eigin vali, t.d. sesamfræ
- Bakið við 200°c á blæstri í uþb. 10 mínútur eða þar til hornin er fallega brún
Njótið vel!
Ef þú prófar þessa uppskrift þá máttu endilega deila því með mér, með því að taka mynd og deila á Instagram með #infantiais, merkja myndina með @infantia.is eða einfaldlega senda mér skilaboð
